Bullseye - Infinity Challenge
Bullseye hefur þann hæfileika að geta hitt hvað sem er með hverju sem er, pennar, spil, jafnvel dagblöð - hann getur drepið með því að kasta næstum því hverju sem er beint í mark. Hann er einnig mjög góður í allskonar bardagalistum. Hann er einn af heimsins bestu launmorðingjum og þjófum og einn af erkióvinum Daredevil eftir að hafa drepið kærustu Daredevil, Electru. Hefur oft unnið fyrir Kingpin.

Hulk - Infinity Challenge
Hulk er sterkur og næstum ómögulegt að skaða hann að nokkru ráði. Hann er einn af sterkustu verum í Marvel heiminum. Hann rústar byggingum á nokkrum sekúntum, getur stökkið marga kílómetra í einu og jafnar sig fljót, ef hann er skaðaður. Hulk varð til þegar vísindamaðurinn Bruce Banner bjargaði Rick Jones af tilraunasvæði fyrir Gamma sprengjuna sem Banner hafði hannað. Banner varð fyrir mikilli geislavirkni og nú þegar hann verður reiður breytist hann í Hulk - stóran grænan sterkan risa með virkilega slæmt skap. Og því reiðari sem hann verður, því sterkari verður hann. Aðalóvinir hans eru Leader, Abomination, Avengers og Bandaríski herinn. Hann var einn af stofnmeðlimum í Avengers en helst ekki vel í liðum vegna skaps síns.

Quicksilver - Infinity Challenge
Quicksilver er stökkbreytur sonur hryðjuverkamannsins Magneto og er bróðir Scarlet Witch. Hæfileiki hans felst í því að hann getur hlaupið og hreift sig miklu hraðar en venjulegur maður. Þótt hann sé ekki mjög sterkur skiptir það ekki oft máli þar sem hann kemur miklu fleiri höggum á anstæðinginn. Hann var meðlimur í Brotherhood of Evil Mutants með Scarlet Witch undir stjórn Magnetos en bæði hættu og gengu í lið með Avengers. Hann er svo hrokafullur að mjög fáir geta þolað hann lengi. Helsti óvinur hans er faðir hans, Magneto.

Kingpin - Infinity Challenge
Kingpin er einnig þekktur sem Wilson Fisk Hann er helsti glæpaforingi New York. Þótt hann hafi enga ofurkrafta er hann mjög sterkur og hefur jafnvel sigrað Spider-Man eins síns liðs. Þrátt fyrir að hann líti út fyrir að vera feitur er mestmegnið af honum vöðvar. Hann hefur verið aðalóvinur Daredevil, þótt að hann hafi einnig oft barist við Spider-Man og Punisher.

Puppet Master - Infinity Challenge
Puppet master getur stjórnað öðrum í gegnum brúður sem hann gerir úr galdra leir. Hann er faðir kærustu The Thing, og hefur oft barist á móti honum og Fantastic Four. Er ekki sterkur og hefur enga krafta nema í gegnum brúðurnar.

Clobberin Time

A.I.M. Agent
AIM eru hryðjuverkasamtök sem hafa það að takmarki að að ná heimsyfirráðum. AIM er skipað mörgum vísindamönnum sem þróa vopn fyrir samtökin. Aðalóvinir AIM eru SHIELD, Captain America, og Avengers.

Black Cat
Black Cat er atvinnudemantaþjófur. Hún hefur bæði verið kærasta Spider-Man og óvinur hans.

Black Widow
Black Widow, Natasha Romanov, var njósnari fyrir KGB. Hún barðist gegn Avengers í fyrstu en gekk síðan í lið með þeim og hefur einnig unnið mikið fyrir SHIELD. Hún er meistari í ýmsum bardagalistum og notar armbönd sem skjóta orkuboltum sem geta rotað venjulegan mann í stuttan tíma.

Blastaar
Blastaar er fjólublá ófreskja úr annari vídd, Negative Zone, sem Mr Fantastic fann.

Blob
Blob er mutant sem getur breytt massa sínum svo að ekki er hægt að hagga honum. Einnig hrökkva högg og byssukúlur af honum. Hann vann í sirkusi þegar Magneto kom og fékk hann til að ganga í lið með sér og berjast á móti X-Men og mönnunum. Hann hefur einnig unnið sem atvinnuglæpamaður en er ekki sérstaklega gáfaður og hefur ekki gengið sérlega vel einum síns liðs.

Doombot
Doombot eru vélmenni sem Dr Doom notar oft. Vélmennin líta út eins og hann og hafa sömu krafta. Öll vélmennin hlýða Dr Doom og sum halda meira að segja að þau séu Dr Doom. Hann skilur vélmennin oft eftir til þess að stýra landi sínu meðan hann sinnir öðru.

Dr Doom
Dr Doom, Victor Von Doom, er erkióvinur Fantastic Four. Þegar hann og Reed Richard voru í skóla saman var Doom í mikilli samkeppni við Reed. Er Reed benti Doom á að tilraun sem hann var að framkvæma væri ekki örugg hlustaði Doom ekki á hann og tilraunin endaði með sprengingu. Slysið afskræmdi andlit Dooms og hann kenndi Reed um það og taldi hann hafa skemmt fyrir sér af ásettu ráði. Eftir það einsetti hann sér að ná sér niðri á Reed, fór til Tíbet og lærði galdra af munkum þar. Þar smíðaði hann einnig grímu, sem hann ber nærri alltaf, og herklæði sín. Síðan hertók hann Mið-Evrópu landið Latveriu og hefur friðhelgi sem leiðtogi þess. Það hefur ekki stoppað hann í að reyna að drepa Fantastic Four aftur og aftur.

Dr. Doom er vel að sér í göldrum og vísindum. Hann hefur meðal annars smíðað tímavél, her vélmenna og er alltaf að bæta við sig. Hann er einn af hættulegustu mönnum í Marvel Universe. Þótt hann sjálfur hafi enga aðra krafta en hugvit og kunnáttu í göldrum gefur brynjan hans honum eiginleika til að berjast á móti sterkustu verum - og hann er nánast aldrei án hennar.

Hawkeye
Clint Barton var ávalt góður bogmaður og þrátt fyrir að hann hefði enga ofurkrafta gat hann barist við ofurhejur með mismunandi örvum. Hann byrjaði með því að berjast á móti Avengers með Enchantress sem Hawkeye. En fljótt hætti hann sem glæpamaður og gekk í lið með Avengers. Hann hefur ekki alltaf verið sammála Captain America.

Human Torch
Johnny Storm er bróðir Susan Storm, Invisible Girl. Þegar kærasta hennar vantaði fólk til að hjálpa sér að stýra geimskutlunni sinni fór Johnny með þeim. Í geimnum varð skutlan fyrir geimgeislun sem gaf þeim öllum ofurkrafta og Johnny tók up nafnið Human Torch. Hann getur umlukið líkama sinn eldi án þess að brenna og einnig skotið og stjórnað eldi. Hann getur líka flogið en hefur veikleika gegn vatni, sem getur slökkt í honum. Hann er fljótfær og hefur lag á að koma sér í vanda. Hann er vinur Spider-Man og hefur gaman af að stríða honum en þó sérstaklega að stríða Thing.

Mr. Fixit
Mr. Fixit er eitt af gervunum sem Hulk hefur notað. Grái Hulk kallaði sig Fixit og vann fyrir mafíuna í Las Vegas.

Nick Fury
Nick Fury er leiðtogi SHIELD, hann barðist í seinni heimsstyrjöldinni og þekkti Captain America þá. Mestan hluta æfinnar hefur hann ekki haft neina ofurkrafta en vegna hernaðarþjálfunar sinnar og vopnabúrs SHIELD hefur honum samt tekist að sigra verr þjálfaðar ofurhetjur. Aðalóvinir SHIELD og Fury eru hryðjuverkasamtökin Hydra og AIM, og sérstaklega Baron Von Strucker, leiðtogai Hydra.

She-Hulk
Lögfræðingurinn Jennifer Walters var frænka Bruce Banner, einnig þekktur sem Hulk. Eftir að hún var skotin af glæpamönnum var henni ekki hugað líf. Eini ættingi hennar sem gat gefið blóð var Banner. En með blóðgjöfinni fékk hún einnig þann hluta af eiginleikum hans að breytast í grænt skrímsli. Ólíkt honum hefur hún hinsvegar góða stjórn á sér og gekk fljótlega í lið með Avengers. Seinna gekk hún einnig tímabundið í lið með Fantastic Four. She-Hulk er ekki eins sterk og Hulk. Hún getur, eins og hann, ferðast milli staða með því að taka risastökk en stekkur ekki næstum því eins langt og hann.

Thing
Bejnamin Grimm, the Thing, var vinur Richard Reed í skóla. Þegar Reed vantaði flugmann fyrir geimskutluna sem hann hannaði stýrði Grimm henni. En þegar skutlan varð fyrir geimgeislun öðluðust allir í henni ofurkrafta. Grimm breyttist í appelsínugult skrímsli og kallaði sig Thing. Þótt honum hafi stundum tekist að breytast aftur í mennskt form hefur það aldrei enst. Sem Thing er hann mjög sterkur og er ekki auðvelt að skaða hann. Hann hefur verið ástfanginn af Alicia Masters. Aðalóvinir hans eru Dr Doom, Puppetmaster,

Toad
Toad er mutant, hæfileikar hans felast aðallega í því að geta stokkið. Hann var í Brotherhood of mutants undir stjórn Magneto og hefur oft barist á móti X-Men.

White Queen
Emma Frost les hugsanir. Hún var í hellfire club og rak skóla fyrir mutant krakka. En eftir að nemendur hennar voru drepnir gekk hún í lið með X-Men. Kraftar hennar hafa þróast og núna er hún lifandi demantur og þar af leiðandi ansi seig.

Yellowjacket
Yellowjacket er eitt af mörgum dulnefnum Hank Pym. Sem Yellowjacket getur hann minnkað sig niður í stærð vespu. Hann getur einnig skotið orkuboltum. Sem Yellowjacket er Hank Pym frekar óstöðugur og hann hefur barist gegn Avengers stöku sinnum. Aðalóvinur hans var Egghead.

Fleiri ofurhetjur væntanlegar...